اهم المهارات التي تحرص عليها وانت طالب تحتاج لها عند التوظيف

85٪ من النجاح في الوظيفة يكون بسبب المهارات الناعمة وكثير من الشركات يعتمدون عليها وللأسف أن القليل من الطلاب يتقنونها. عندنا نوعين من المهارات:

1-المهارات الصلبةHard Skills وهي ماتتغير بمرور الزمان أو اختلاف المكان ونتعلمها بالمدرسة والجامعة نفس الحساب،التصميم،الكتابة والقراءة
2-المهارات الناعمة Soft Skills المهارات الي ما نتعلمها بالمدرسة والجامعة ونتعلمها بالحياة نفس القيادة ، الإقناع ، التأثير ، التواصل ..الخ

1-التواصل: تركز على الإنصات وليس السمع يعني تسمع بتركيز وتساير تعابير وجهه. لغة جسدك تصير مطابقة لكلام الشخص المقابل لك خصوصًا:اتصال العين وتعبيرات الوجه وهيئة جسمك واقف قاعد الحركات الي تسويها براسك ويدك اللمس كيف تلمس أو تمسك الي قدامك ولو بنركز على وحدة نركز على اتصال العين.
الكلام: الكلام الي نقوله يكون مبني على الكلام الي نقوله وعلى طريقة قوله كيف؟ اذا جيت تتكلم أختر الكلمة المفهومة والواضحة وتحمل معنى واحد وواضح. كيف النغمة؟ تعتمد على سرعة أو تأخير أو حجم الصوت . والأفضل تقلد طريقة الشخص الي يكلمك يعني لو يسرع تسرع معه ولو هادئ تهدئ وهكذا ..الخ
2- مهارات التفاوض: افهم الي قدامك ، جد اهتمامات مشتركة بينكم ، فكر كيف تكسب والي قدامك يكسب وهذا أفضل سيناريو .
3- مهارات القيادة: مواصفات القائد: رؤية – احترام – إلتزام – يتطور ويتعلم بسرعة – يساعد فريقه – يملك كاريزما وشخصية أساليب القيادة: فيه ناس تشتغل بتطوير الأعضاء الي معهم وفيه ناس تستخدم النظام والقوة وناس الحُب والمودة وناس تهتم بالإنتاجية قبل ما تهتم بالنظام والوقت.
4- التسويق لنفسك هل عندك لينكدان؟ حساباتك في السوشال ميديا وش تنزل فيها؟ إيش تكتب ومين تتابع؟ عندك أساساً تواصل مع الموظفين خار ج الدوام ولا لا؟ ما يمنع تسوي لك أكثر من حساب .
5- التعامل باحترافية: تعرف تتكلم و تسولف؟ تفرق بين زملاء العمل والدوام؟ كيف تطلب الشيء؟ كيف تتكلم وسط مجموعة بدون توتر وخوف هل أنت متعود على مراجعة عملك والإعتراف بالأغلاط والعمل على تصحيحها بدلاً من خلق الأعذار؟.
6- التفكير بالصورة النهائية: عادةً الشخص اذا بدأ بعمل يركز على التفاصيل الصغيرة وينسى الصورة النهائية وهذا مو عيب . بنفس الوقت مو عيب أنك تفكر كيف شغلك يطلع بأفضل صورة؟ وبأقوى تأثير؟ أيش مفروض تزيد وأيش تنقص؟
7-المبادرة:حلو أنك تقترح تسوي أشياء اضافية عليك وفي حدود عملك ومو شرط كل مدير يتقبل هذي الأفكار. لكن لا تنتظرهم يطلبون منك إنهاء العمل بادر دايم. 8-حل المشكلات: تعلم كيف تفكر خارج الصندوق وتحلل المواقف يعني اذا جاك أكثر من حل ماأعجبك تبتكر حل مُناسب للمشكلة نهايةً (لازم تتدرب)
9- الذكاء العاطفي: بإختصار تعرف مشاعرك ومشاعر غيرك وتتحكم فيها وفي علاقاتك بدل ما تتحكم فيك وقد تكلمت بالتفصيل عن الموضوع هنا.
الذكاء الاجتماعي:
كتبها عبدالله العبدلي ‏@T5yll_